Коллажды жасаған Амангелді Қияс, «ЕQ»
Кездесу барысында профессор, «Адал сайлау үшін» штабының мүшесі Ермек Әбдірасұлов сайлау үдерісі мен құқықтың өзекті мәселелеріне егжей-тегжейлі тоқталды.
Штаб мүшесі, Қазақстан заңгерлер одағы Астана филиалының төрағасы Серік Беркамалов заңда көзделген азаматтардың сайлау бостандығын қамтамасыз ету кепілдіктері туралы айтып берді.
Президенттікке кандидаттардың және олардың сенім білдірілген адамдарының үгіт-насихат жүргізу ережелері, кандидаттардың БАҚ-тағы жарияланымдар мен эфирлерге тең қолжетімділігін қамтамасыз ету тәсілдері аудиторияның үлкен қызығушылығын тудырды. Жиынға қатысушылар сайлау заңнамасын уақтылы түсіндірудің маңыздылығын атап өтіп, ұйымдастырушыларға алғыстарын білдірді.
Естеріңізге салсақ, 27 қыркүйекте еліміздің заңгерлер қауымдастығын шоғырландыру мақсатында Қазақстан заңгерлер одағы республикалық қоғамдық бірлестігінің алаңында «Адал сайлау үшін» штабы құрылған болатын. Мақсаты – сайлау заңнамасының негізгі ережелерін түсіндіру, сайлау үдерісіне қатысушыларға құқықтық көмек көрсету, азаматтық қоғам, халықаралық ұйымдар өкілдерімен өзара іс-қимыл жасау.
