Атап айтқанда, Қостанай облыстық сотының төрағасы Анатолий Смолин отставкаға кетуіне байланысты атқарған қызметінен босатылды. Астанада Сот жюриінің шешімі бойынша тәртіптік теріс қылық жасағаны үшін екі судья жұмыстан шығарылды – бұл Бостандық ауданының №2 аудандық сотының судьясы Қанат Сырлыбаев пен Қызылорда облысының мамандандырылған ауданаралық экономикалық сотының судьясы Ғалымжан Бекмамбетов.
Сондай-ақ Астана қаласының кәмелетке толмағандар жөніндегі мамандандырылған ауданаралық сотының судьясы Динара Қабиденова басқа жұмысқа ауысуына байланысты атқаратын қызметінен босатылды.
Ал қылмыстық істер жөніндегі мамандандырылған ауданаралық соттың судьясы Қыдырбек Әлхожаев қайтыс болуына байланысты қызметінен босатылды.
Құжатқа сәйкес, Марлен Бекетов мамандандырылған ауданаралық әкімшілік сотының судьясы, Марал Омарова Ақтөбе қаласы сотының судьясы болып тағайындалды.
