Еуразиялық экономикалық одақ отандық кәсіпкерлер белсенділігін арттырады

АСТАНА. 27 мамыр. Отандық бизнес өкілдерінің бәсекелестікке қабілеттілігін арттыру үшін Ресей мен Беларусь елдерінің кәсіпкерлерін біздің мемлекеттік сатып алуға қатысуын 2-3 жылға шегеру керек. «Нұр Отан» партиясы жанындағы республикалық жемқорлыққа қарсы іс-әрекет жөніндегі қоғамдық кеңес отырысының барысында Сенат депутаты Қуаныш Айтаханов осыны айтты. Bnews.kz тілшісінің хабарлауынша, депутат өз сөзінде Еуразиялық экономикалық одақтың қазақстандық кәсіпкерлерді қамшылауда атқаратын рөлі жоғары болатынын атап өткен. «Қазақстанның мемлекеттік сатып алуларына Ресей мен Беларусь елдерінің кәсіпкерлерін қатыстыруды қайта қарау керек деген мәселе туындап отыр. Біраз уақытқа дейін оларды қатыстырмау керек шығар. Түбінде кеңістік ашылғаннан кейін, бәрі араласады. Біздің кәсіпкерлердің дамуы үшін біраз уақыт беру керек. Келісімшартта 2-3 жылға дейін Ресей мен Беларусь елдерінің кәсіпкерлерін біздің мемлекеттік сатып алуға қатыстыруын шегеру керек секілді», - деді Қ.Айтаханов. «Отандық кәсіпкерлердің бәсекелестікке қабілетті болуы үшін балық жағдай жасауымыз керек. Еуразиялық экономикалық одақтың масаты осы – кәсіпкерлерді қамшылау. Сол себепті мемлекет тарапынан кәсіпкерлерге қолдауды күшейту қажет. Басқа елдерге қарағанда біздің кәсіпкерлерге арзан әрі қолжетімді, ұзақмерзімді несие, субсидия беру керек. Қажет болса, олардың инфрақұрылым мәселесін шешіп беру қажет», - деді Сенат депутаты. Мұрат Айтқожа. Дереккөз: Bnews.kz. Фото: politikus.ru.