Турнирге қатысуға спортшылардан 250-ге жуық өтінім түсті.
«Елордада қалалық ашық біріншілік екінші мәрте өтіп жатыр. Биылғы жылы балалар мен жас жігіттер, спорт шеберлігіне үміткерлер мен спорт шеберлері қатысады. Жекелей жарыстар Халықаралық конькишілер одағының талаптарына сәйкес ұйымдастырылады. Бүгінгі таңда Қарағанды, Атырау, Қостанай, Ақмола және Шығыс Қазақстан облыстарынан, сондай-ақ Астана мен Алматы қалаларынан 250-ге жуық өтініш келіп түсті», деді қалалық Спорт басқармасының баспасөз хатшысы Мәдина Айтқалиева.
Көрермендер мен жанкүйерлер үшін кіру тегін. Сондай-ақ чемпионат YouTube желісінде тікелей көрсетіледі.
