ОҚУЛЫҚ САПАСЫ – ҰРПАҚ БОЛАШАҒЫНЫҢ КЕПІЛІ

Семинар-конференцияға Астана қаласындағы мектеп ұстаздарымен қоса респуб­ли­каның басқа да өңірлерінен келген мұғалімдер мен оқулық авторлары қатысты. Бұл бас­қо­суда көтерілген мәсе­лелердің әрқайсысы ешкімді бейжай қалдырмады. Аталған білім ордасының директоры Әлия Сексенова оқушылардың тех­но­логия­лық ақпарат құрал­да­рын шебер игере отырып, тағ­лы­мы мен танымы мол кітап пен баспасөз бет­те­рін­дегі құнды дүниелерді де оқу керектігін айта келе, “Қазіргі заман жаңа ақпараттық тол­қынның, жаңа техно­ло­гия­ның, жаңа серпіннің заманы. Сондықтан да бала­лар­дың жан-жақты білім алуына, білімдерін же­тілдіруіне жағ­дай жа­сауымыз керек. Оқушыларға талап қоя білген ұстаз ғана өз жұ­мы­сының жемісіне, шә­кіртінің жеңісіне куә бола алады. Жас ұрпақ­тың білім деңгейі тікелей оқулықтың са­па­сымен бай­ланысты. Соңғы жыл­дарда оқулықтар жүйесін бір арнаға келтіріп, оны же­тіл­діруге мемлекет тара­пынан да қатаң бақылаудың болып жат­қаны белгілі. Сол себепті де жұ­мыла кө­терген жүк жеңіл де­мек­ші, бә­ріміз де білім беру са­ла­сының жақ­саруына, оқу­лық мә­селе­сі­нің оңтайлы шешілуіне ат са­лы­суымыз қажет. Осында от­ыр­­ған әрбір ұстаздың да, оқу­лық автор­ларының да жа­уап­­кер­­шілігі ауыр”,–деді өз сөзінде. Ал оқулықтардың мектеп қабырғасында нендей дәре­же­де бағаланып жатқаны туралы “Алматы кітап” баспасының вице-президенті Бибіхан Шакиева: “Еге­мендік алған 20 жыл­дың ішінде ұлттық оқу­лықтарды жазу және оның авторлары қалыптасты деп айтуымызға болады. Алғашқы төл оқу­лықтарымызды жазуға “Ата­мұра” баспасы зор еңбек сіңір­генін жақсы білеміз. Әрине, бастапқыда қазақ ті­лінде оқулықтар жазу өте қи­ынға түскені белгілі. Көп­теген жылдар бойы Ресейдің аудар­ма оқулық­тарын оқып кел­ге­німіз де жасырын емес. Мінеки, осындай қиын­дық­тар­ға қа­рамастан “Атамұра” баспасы өздеріне тиесілі мін­деттерін өте сәтті орындап шықты. Оқулық саласында баламалы оқулықтарға ден қою өте дұрыс. Себебі, бәсекелестік болған жағдайда ғана сапа болады”, – деп өз ойын қорытындылады. Арай ҮЙРЕНІШБЕКҚЫЗЫ.