Аймақтар • 27 Қараша, 2022

Екібастұз тұрғындары жылусыз қалды

490 рет
көрсетілді
1 мин
оқу үшін

Екібастұзда жылу электр орталығындағы қазандық агрегаттары жұмыс істемей қалды, деп хабарлайды Egemen.kz 

Екібастұз тұрғындары жылусыз қалды

Белгілі болғандай, 27 қарашада сағат 01:20-да №11 қазанагрегат істен шыққан. Сағат 01:30-да желілік судың көп шығындалуына байланысты №13, 14, 15 қазандық агрегаттары жұмыс істемей қалған.

«Қазір №8 және №14 қазанагрегаттары іске қосылып жатыр. Жөндеу бригадалары ұйымдастырылды. Жақын арада параметрлері қалпына келтіріледі. Қала, облыс, «ПАВЛОДАРЭНЕРГО» АҚ жағдайды тұрақтандыру үшін барлық қажетті қолдау көрсетіп жатыр», делінген компания хабарламасында.

«Екібастұзжылуэнерго» өкілдері қала тұрғындарынан желілік суды әзірге ағызбауды сұрады. Құбырлар толығымен салқындап, үй жалпы жылу жүйесінен ажыратылған жағдайда ғана жүйеден желілік суды ағызу қажет.