Аймақтар • 30 Қараша, 2022

Екібастұзда жылу желілеріндегі зақымдану фактісі бойынша тергеу басталды

52 рет көрсетілді

Екібастұздағы жылу желілеріндегі зақымдану фактісі бойынша сотқа дейінгі тергеу басталды. Істі жүргізу полиция департаменті, Экономикалық тергеу департаменті және сыбайлас жемқорлыққа қарсы іс-қимыл департаменті қызметкерлерінің Павлодар облысы бойынша ведомствоаралық жедел-тергеу тобына тапсырылды, деп хабарлайды Egemen.kz.

30 қарашада Павлодар облысының прокуратурасы жылу желілеріндегі ірі зақымданулар, желілік судың қысымын төмендету және «Екібастұзтеплоэнерго» ЖШС су жылыту қазандықтарын тоқтату фактісі бойынша Қазақстан Республикасы Қылмыстық кодексінің 254-бабы бойынша «Міндеттерге жосықсыз қарау» бойынша сотқа дейінгі тергеуді тіркеді, ол үшін бес жылға дейінгі мерзімге бас бостандығынан айыру түріндегі жаза көзделген», деп хабарлады Павлодар облысының прокуратурасы.

Апат салдарынан қалада ондаған көпқабатты және жеке тұрғын үйлер, бірқатар әлеуметтік нысан жылудан ажыратылды. 123 тұрғын эвакуацияланды, оның ішінде балалар да бар. Білім беру нысандары қашықтан оқыту форматына көшті, балабақшалардың жұмысы тоқтатылды.

Тергеу барысы облыс прокурорының жеке бақылауына алынды.

Соңғы жаңалықтар

Астанада «Вaitursynuly.kz» сайтының тұсаукесері өтті

Ахмет Байтұрсынұлы • 03 Ақпан, 2023

Ұқсас жаңалықтар