Экономика • 02 Желтоқсан, 2022

Қазақстанда қарақұмық өндірісінің көлемі 67%-ға өсті

509 рет
көрсетілді
1 мин
оқу үшін

2022 жылғы қаңтар-қыркүйек аралығында қарақұмық жармасы өндірісінің көлемі өткен жылдың ұқсас кезеңімен салыстырғанда 66,9% -ға ұлғайды, деп хабарлайды Egemen.kz АШМ баспасөз қызметіне сілтеме жасап.

Қазақстанда қарақұмық өндірісінің көлемі 67%-ға өсті

Министрлік мәліметінше, 11 қазақстандық кәсіпорын 30 мың тоннаға жуық қарақұмық шығарды. Бұл ретте аталған жарманың орташа жылдық тұтыну көлемі 29,1 мың тоннаны құрайды. Осылайша, жылға толмайтын уақыт ішінде отандық өндірушілер ішкі нарықты қарақұмықпен толық қамтамасыз ете алды. Қарақұмықтың негізгі өндірушілері Павлодар, Шығыс Қазақстан және Қостанай облыстары.

Айта кету керек, қарақұмық импорты биыл 80% - ға төмендеп, 600 тоннаны құрады. Мысал ретінде айтар болсақ, 2021 жылдың қаңтарынан қыркүйегіне дейін елге 3 мың тоннаға жуық қарақұмық жармасы әкелінді.

Соңғы жаңалықтар

Су үнемдейтін қондырғы

Технология • Кеше