«Супермаркеттерде 275 теңге тұратын күріш бар. Әртүрлі сауда желілерінде жүріп, бірдей өнімдер жиынтығын сатып алып, өзіңізге тәжірибе жасаңыз. Тіпті А класындағы дүкендер желісінің арасында да құн айырмашылығын сезінесіз», деді Серік Жұманғарин.
Министрдің айтуынша, 2019-2020 жылдары Қазақстанда 550 мың тонна күріш өндірілген. Биыл 507 мың тонна күріш өндіру жоспарлануда.
«120 мың тоннаға жуық күрішті экспорттадық. Биыл 10 айда 76 мың тонна экспортталды. Бүгінде 250 мың тоннадай қорымыз бар. Ай сайынғы тұтыну 80 мың тоннаға жуық болса, ешқандай қауіп жоқ», деді С.Жұманғарин
