Аймақтар • 08 Желтоқсан, 2022

Жамбыл облысында мал ұрлығымен айналысқан қылмыстық топ ұсталды

437 рет
көрсетілді
1 мин
оқу үшін

Сарысу аудандық полиция бөліміне осы ауданның бірнеше тұрғыны сауықтыру лагерінің маңындағы өрісте жайылып жүрген сиырларын белгісіз тұлғаның жасырын ұрлап кеткендігі туралы арызданған. Келтірілген шығын көлемі – 2 млн теңгеге жуық, деп хабарлайды Egemen.kz ІІМ ресми интернет ресурсына сілтеме жасап.

Жамбыл облысында мал ұрлығымен айналысқан қылмыстық топ ұсталды

Тұрғындар өрістегі малдарын жарты ай сайын барып, тексеріп тұратын болған. Кезекті рет тексеруге барған сәтінде жайылымнан өз сиырларының жоқтығын байқаған. Бірнеше күн өз күштерімен іздеп таба алмағандықтан, полиция бөліміне арызданған.

Аудандық полиция қызметкерлерімен жүргізілген жедел-іздестіру жұмыстарының нәтижесінде мал ұрлығына қатысы бар Сарысу ауданының 46 жастағы және 35 жастағы 2 тұрғынынан құралған қылмыстық топ ұсталды. Сондай-ақ күдіктілердің қатысуымен болған 6 мал ұрлығы дерегі анықталды. Күдіктілер кінәсін толық мойындап, уақытша ұстау изоляторына қамауға алынды.

Қазір осы дерекке қатысты Қазақстан Республикасы Қылмыстық кодексінің 188-1-бабы 3-бөлігімен (Бірнеше рет жасалған мал ұрлығы) сотқа дейінгі тергеу амалдары жүргізіліп жатыр. Сонымен қатар күдіктілердің осыған ұқсас басқа да қылмыстарға қатыстылығы анықталып жатыр.

Жалпы Жамбыл облысы Полиция департаменті Криминалдық полиция басқармасы қызметкерлерімен жүргізілген республикалық (Мал ұрлығы) жедел алдын алу іс-шарасының нәтижесінде 12 қылмыс (өткен жылдан – 6 дерек) ашылып, төрт қылмыстық топ ұсталды.

Соңғы жаңалықтар

Су үнемдейтін қондырғы

Технология • Кеше