Алматы қаласының оқушылары Ұлттық бірыңғай тест тапсыруда көрсеткіштері жағынан әлі де көш бастап тұр. Бүкіл республика бойынша бұрнағы күні бірінші болып ең жоғары балл жинаған Алматы қаласындағы физика-математика пәндерін тереңдете оқытатын №178 лицей түлегі Айғаным Әбдіжапардан кейін, кеше ғана Алматыдағы №159 Ы.Алтынсарин атындағы гимназияның түлегі Әсия Жандосқызы Марат 125 балл жинап, мектебінің де, ата-анасының да, ұстаздарының да мерейін тасытты.
Ақиқатын айтқанда, Әсия Абай атындағы Қазақ Ұлттық педагогикалық университетінің базасында бірінші күні өткен ҰБТ нәтижесінде 124 балл алғаны белгілі болып, жауабы дұрыс емес деп есептелінген жалғыз сұрақты аппеляцияға берген. Кеше комиссия түлектің абсолюттік білім нәтижесін көрсеткенін дәйектеп беріп, республика бойынша екінші жоғары балл жинаған оның есімі нақтыланды.
Алматыдағы №159 гимназия басқа да жетістіктерімен мақтанып жүрген білім ордасы. Республикалық байқауларда, ғылыми жобалардың жарыстарында, түрлі мәдени шараларда алдыңғы қатардан табылып жүрген қаладағы маңдайалды білім мекемелерінің бірі.
Бұл білім ұясынан биыл 52 түлек ҰБТ-ға қатысып, олардың ҰБТ қорытындысы бойынша орта балы 109,7 болды.
– Егер мектептен 13 оқушы «Алтын белгіден» үміткер болса, соның 13-і де «Алтын белгісін» ақтады. Бір ғана мұғаліміміз Гүлназ Тұңғышбаеваның сыныбынан 10 түлек «Алтын белгі» иегері атанды. Бұл – өте үлкен табыс. Қол жеткен жетістік бір күннің еңбегі емес. Ол – ұстаз, шәкірт, ата-ана ынтымақтастығының нәтижесі, – дейді №159 Ы.Алтынсарин атындағы гимназияның директоры, Қазақстанның Еңбек Ері Аягүл Миразова.
Мұғалімдер Әсия Жандосқызы Мараттың алдын ала тапсырылған тесттердің бәрінде ең төмені 123 балл, бес рет қатарынан 125 балл жинағанын және оның бірінші сыныптан бастап тек қана бес деген бағаға оқып келе жатқанын, өте тиянақты да ұқыпты екендігін айтады.
Айнаш ЕСАЛИ,
«Егемен Қазақстан».
АЛМАТЫ.
Суретте: Әсия Марат гимназия директоры, Қазақстанның еңбек ері Аягүл Миразовамен бірге.
Ақиқатын айтқанда, Әсия Абай атындағы Қазақ Ұлттық педагогикалық университетінің базасында бірінші күні өткен ҰБТ нәтижесінде 124 балл алғаны белгілі болып, жауабы дұрыс емес деп есептелінген жалғыз сұрақты аппеляцияға берген. Кеше комиссия түлектің абсолюттік білім нәтижесін көрсеткенін дәйектеп беріп, республика бойынша екінші жоғары балл жинаған оның есімі нақтыланды.
Алматыдағы №159 гимназия басқа да жетістіктерімен мақтанып жүрген білім ордасы. Республикалық байқауларда, ғылыми жобалардың жарыстарында, түрлі мәдени шараларда алдыңғы қатардан табылып жүрген қаладағы маңдайалды білім мекемелерінің бірі.
Бұл білім ұясынан биыл 52 түлек ҰБТ-ға қатысып, олардың ҰБТ қорытындысы бойынша орта балы 109,7 болды.
– Егер мектептен 13 оқушы «Алтын белгіден» үміткер болса, соның 13-і де «Алтын белгісін» ақтады. Бір ғана мұғаліміміз Гүлназ Тұңғышбаеваның сыныбынан 10 түлек «Алтын белгі» иегері атанды. Бұл – өте үлкен табыс. Қол жеткен жетістік бір күннің еңбегі емес. Ол – ұстаз, шәкірт, ата-ана ынтымақтастығының нәтижесі, – дейді №159 Ы.Алтынсарин атындағы гимназияның директоры, Қазақстанның Еңбек Ері Аягүл Миразова.
Мұғалімдер Әсия Жандосқызы Мараттың алдын ала тапсырылған тесттердің бәрінде ең төмені 123 балл, бес рет қатарынан 125 балл жинағанын және оның бірінші сыныптан бастап тек қана бес деген бағаға оқып келе жатқанын, өте тиянақты да ұқыпты екендігін айтады.
Айнаш ЕСАЛИ,
«Егемен Қазақстан».
АЛМАТЫ.
Суретте: Әсия Марат гимназия директоры, Қазақстанның еңбек ері Аягүл Миразовамен бірге.
