Құттықтау жеделхатын жолдады

Нұрсұлтан Назарбаев Әбдел Фаттах ас-Сисиге Египет Араб Республикасының Президенті лауазымына сайлануына байланысты құттықтау жеделхатын жолдады, деп хабарлады Президенттің баспасөз қызметі. Мемлекет басшысы Египетте Әбдел Фаттах ас-Сисидің бас­шы­­лығымен саяси тұрақтылық орнап, орнықты әлеуметтік-эко­но­микалық дамудың қамтамасыз етілетініне сенім білдірген. «Қазақстанның Египет Араб Республикасын ислам әлеміндегі маңызды серіктесінің бірі ре­тін­де қарастыратынын және ел­де­ріміз арасындағы екіжақты ынтымақтастықты одан әрі арт­тыруға, көпжақты құрылымдар ая­сындағы өзара іс-қимылды кү­шей­туге мүдделі екенін айтқым келеді», – делінген жеделхатта. Нұрсұлтан Назарбаев Әбдел Фаттах ас-Сисиге мықты ден­сау­лық, елді дамытуға бағытталған жау­апты қызметіне зор табыс, ал бауырлас Египет халқына бей­біт­шілік пен бақ-береке тіледі. * * * Мемлекет басшысы Король Хуан Карлос І-нің тақтан бас тарту жөніндегі батыл шешімін атай отырып, оның ізба­сарына жан-жақты қолдау көрсетуге әзірлігін жеткізді, деп хабарлады Президенттің баспасөз қызметі.   Сонымен қатар, Нұрсұлтан Назарбаев Король Хуан Карлос І тақта отырған жылдары елдеріміз арасында қалыптасқан тығыз қарым-қатынас пен стратегиялық әріптестік дәстүрінің одан әрі жалғаса беретініне сенім білдірген. Соңында Қазақстан Президенті Хуан Карлос І-ге мықты денсаулық, мол табыс, ал Испания халқына бақ-береке мен молшылық тіледі.