Астанада «Жан-жүрегім, Астана!» өнер бұйымдары көрмесі өтеді

10 маусым сағат 11.00-13:00 аралағында Астанадағы Оқушылар сарайының Галерея алаңында «Жан-жүрегім Астана!» көрмесі өтеді. Шараның негізгі мақсаты балардың бойына рухани құндылықтар мен мейірімділік, отансүйгіштік, белсенділік қасиеттерін сіңіріп, зәру жандарға қол ұшын созуға тәрбиелеу, әсіресе балалар үйі тәрбиеленушілеріне қайырымдылық көмек көрсету. Балалар өз суреттерінде жас астананың көркем келбетін бейнелейтін болады. Қорытындысына сәйкес, 200-ден астам балалар алғыс хаттармен және бағалы сыйлықтармен марапатталады. Ал салынған суреттер мен бұйымдар әлеуметтік мекемелерге(балалар үйі, ауруханалар, қарттар үйі) тарту етіледі. 5 маусым Оқушылар сарайының баспасөз-орталығында кішкентай тілшілер «Facebook» әлеуметтік желісі арқылы көрме өтетіні туралы хабарлайды. Онда балалар тек дайын жұмыстарын көрсетумен қатар, жаңа өнер туындыларын жасауға қатыса алады. Көрмеге бейнелеу өнері, сәндік-қолданбалы шығармашылық, заманауи дизайн үйірмелерінің тәлімгерлерінің жұмыстары қойылады. Жаны мейірімге толы балалардың қолынан шыққан нәзік те әсем туындылар қатысушылардың біріне ерекше әсер сыйласа, біріне балалар шығармашылығы әлеміне жол ашпақ. Данияр Алан.