![Петропавлда жол жөндеуге төрт миллиард теңге бөлінеді](/media/2022/12/22/crop-35_23_290x550_f9933a66-9faa-4ef8-a9e3-feb12f889967.jpeg)
Солтүстік Қазақстан облысының басшысы Айдарбек Сапаров Петропавл қаласының жолдарын ретке келтіру қажеттігін айтты. Ол 2023 жылға облыстық бюджеттен төрт миллиард теңге бөлінетінін мәлім етті. Қала 2018 жылы Қазақстан мен Ресей президенттерінің қатысуымен өтетін шекаралық ынтымақтастық форумына дайындалып жатқанда жол жөндеу жұмыстарына осындай сома алған.
«2018 жылдан бастап жолдар ағымдағы және орташа жөндеумен жөнделді. Барлығы 400 миллион теңгеге жуық қаржы бөлінді. Біз бюджетті қарадық, қаланы қолдадық және облыстық бюджеттен жолдарға бөлінетін қаржыны 10 есеге, яғни төрт миллиард теңгеге көтердік. Қала әкімі уәде еткендей, бұл 17 көшеге жетеді. Кем дегенде 10 көше күрделі жөндеуден өтуі керек. Байыпты компаниялар келіп, ең көбі жарты айда жұмысты аяқтауы керек. Ол үшін тендерлік құжаттаманы дайындаған кезде техникалық шарттарға байыппен қарау керек, қалыпты мердігер ұйым жұмыс істеп, кестеден ауытқымау керек. Мен бұл мәселені бақылауда ұстаймын», деді А.Сапаров.
Ол қала шетіндегі жолдарды тым болмаса маршруттық жолмен жөндеу қажеттігін атап өтті. Қосымша қаржы бөлуге уәде берді.