Қарағанды облысы әкімінің жаңа орынбасары тағайындалды

АСТАНА. 9 маусым.  Президент әкімшілігінің келісімімен және Қарағанды облысының әкімі Бауыржан Әбдішевтің өкімімен Жанар Рүстемқызы Бекбанова облыс әкімінің әлеуметтік сала және ішкі саясат мәселелері жөніндегі орынбасары болып тағайындалды. Бұл туралы «ҚазАқпарат» хабарлады. Жанар Бекбанова 1975 жылы 26 мамырда Қарағанды қаласында туған. Е.А.Бөкетов атындағы Қарағанды мемлекеттік университетін және «Қазтұтынуодағының» Қарағанды экономикалық университетін бітірген. Филолог, орыс тілі мен әдебиетінің оқытушысы, заңтану бакалавры. 1996-2006 жылдары «Қазақстан» Республикалық телерадиокорпорациясы» акционерлік қоғамы Қарағанды облыстық филиалында режиссер-тілші, редактор-тілші, редактор қызметтерін атқарған. 2006-2009 жылдары Қарағанды облысы әкімі аппаратының бас маманы, баспасөз қызметінің жетекшісі, 2009-2010 жылдары «Нұр Отан» ХДП Төрағасы бірінші орынбасарының кеңесшісі. 2010-2012 жылдары «Нұр Отан» ХДП Орталық аппаратында баспасөз қызметінің басшысы болды. Ол осы тағайындауға дейін Парламенті Мәжілісі аппараты басшысының орынбасары қызметін атқарған. Жолдыбай Базар. Дереккөз: «ҚазАқпарат». Фото: News.nur.kz.