Шетелдік инвесторлар кеңесінің кезекті отырысында маңызды мәселелер талқыланады

АСТАНА. 9 маусым. 12-13 маусымда Бурабайда өтетін Шетелдік инвесторлар кеңесінің отырысында Үкімет басшысының орынбасары,  Индустрия және жаңа технологиялар министрі Ә.Исекешев баяндама жасайды. Бұл туралы egemen.kz тілшісі хабарлады. Жиында Еуропалық Қайта құру және даму банкінің президенті Сэр Сума Чакрабарти және «Азиялық даму банкі», «Еуразиялық табиғи ресурстар корпорациясы», «Бэйкер мен Макензи», «Сбербанк», «Би Джи Групп», «Дженерал электрик», ЛУКОЙЛ, «Камеко», ШЕЛЛ сында компаниялардың басшылары өз пікірлерін ортаға салады. Естеріңізге сала кетейік, Мемлекет басшысы Нұрсұлтан Назарбаевтың төрағалығымен 12-13 маусым күндері Шетелдік инвесторлар кеңесінің 27-ші жалпы отырысы өтеді. Аталған жиында шетелдік инвесторлардың еліміздің екінші индустриялық-инновациялық бесжылдығына қатысу мәселелері жан-жақты талқыланады деп күтілуде. Жолдыбай Базар. Дереккөз: egemen.kz. Фото: kn.kz.