Бәсекеге қабілетті оқу орны

Елбасы Нұрсұлтан Назарбаевтың «Қазақстан жолы – 2050: бір мақсат, бір мүдде, бір болашақ» Жолдауында «ХХІ ғасырдағы дамыған ел дегеніміз – белсенді, білімді және денсаулығы мықты азаматтар. Білім барлық уақытта жоғары құндылықтардың бірі болған. Тек білімді, сауатты адам ғана келешек тізгінін қолына ала алады», делінген. Осы орайда, Көкшетау медициналық колледжі қазіргі білім беру стандартының талаптарына сәйкес, орта буынды медициналық қызметкерлерді даярлауда заманауи кіріккен, үйлесімдірілген технологияларды енгізу арқылы білім беруде жаңашылдықтарды қолданатын, материалдық-техникалық базасы қарқынды дамып келе жатқан беделді оқу орны болып табылады. Осы оқу орнын 1995 жылдан бастап медицина ғылымдарының докторы Светлана Мұратбекова басқарады. Колледж 76 шығарымды іске асырып, 21 408 маман дайындады. Қазіргі кезде білім беру 8 мамандық бойынша жүзеге асырылады: «Емдеу ісі», «Медбикелік іс», «Гигиена және эпидемиология», «Лабораториялық диагностика», «Фармация», «Стоматология», «Ортопедиялық стоматология», «Әлеуметтік жұмыс». Оқу бағдарламаларын іске асыруда халықаралық тәжірибені үйрену мақсатымен Қазақстан Республикасының Денсаулық сақтау министрлігі Көкшетау медицина колледжінің белсенді қатысуымен, симуляциялық технологияларды жетілдіруде, медицина эргономикасының не­гіздерінде, паллиативті көмек, медикаменттерді тағайындағанда медбикенің мүмкіндіктері бойынша шеберлік-сыныптар ұйым­­дастырылып, Литва, Ресей, Фин­ляндия, Румыния маман­дарының қатысуымен өткізіледі. Болашақ мамандардың дай­ын­дық сапасын арттыру мақ­сатында колледж­ оқы­ту­шы­лары Светла­на Қабден­қы­зының басшылығымен халықаралық, аймақаралық, республикалық, облыстық ғылыми-тәжірибелік конференцияларға, семинарларға, форумдарға, конгрестерге­ қаты­сады: Халықаралық қыз­мет­тес­тік шеңберінде колледж Санкт-Петербург, Омбы, Ке­меров (Ресей); Тампере, Ювяскюль (Финляндия); Ста­ван­гер (Норвегия), Лондон (Ұлы­британия), Вильнюс (Литва) және т.б. қалаларда өткен ғылыми-практикалық конференцияларға, семинарлар мен конгрестерге қатысты. Аталған тәжірибе заманауи медбикелік технологиялар­ды жетілдіруге мүмкіндік береді, өйткені, олар медбике ісі мамандарының кәсіби біліктілігін бағалаудың алдыңғы критерийі болып саналады. Колледжде Веб-сайт орналасқан Intel Xeon сервері бар қашықтан оқыту орталығы құрылды. Оқу үрдісіне арналған кабинеттер қазіргі заманғы компьютерлермен жабдықталған, сонымен бірге, Aktivote құрылғысы, бір уақытта колледждегі аудиторияларда оқу фильмдерін көрсететін колледжішілік кабельді теледидар, тілдік дайындау үшін мультимедиялық кабинеттер жұмыс істейді. Интернетке шығу жоғары жылдамдықты ADSL- модемдерімен жүзеге асырылады. Көкшетау медициналық кол­леджі – Қазақстан Респуб­лика­сындағы ең үздік оқу орын­дарының бірі. Колледж тү­лек­те­рі кәсіптілігімен, бәсекеге қа­бі­леттілігімен, әрі қарай өзін дамыту дайындығымен ерек­ше­ленеді. Олар Көкшетау қала­сында, Ақмола және Солтүстік Қазақ­стан облыстарының емдеу-алдын алу ұйымдарында, Астана қаласының бірқатар медициналық мекемелерінде жұмыс істейді. Президент Жолдауының «Ұлт денсаулығы – біздің табыс­ты болашағымыздың негізі» тара­уында Қазақстан халқы­ның ден­саулығын сақтау, балала­ры­мыздың денсаулығын қамтамасыз ету ісіне жаңа тәсілдер енгізу мәселесі, ауылдағы медициналық қызметтердің сапасын арттыру жайы атап айтылған. Колледж ұжымы осы бағытты басты назарында ұстап, Жолдаудың іске асырылуына бар күш-жігерін, білімін салатын болады. Жанар СӘРСЕНБАЕВА. КӨКШЕТАУ.