«Бірлік» саяси партиясы елордада қайырымдылық аукционын өткізді
Бұл шара өткен жылы партияның тікелей қолдауымен өткізілген «Тәуелсіздік танытқан таланттар» атты өнерлі жастарға арналған фестивальдің заңды жалғасы іспетті. Онда еліміздегі ондаған талантты өнерпаз жастарға қаржылай көмек көрсетіліп, олардың қоғамға тезірек танылуы межеленген еді. Ал кешегі өткізілген қайырымдылық аукционына сол ауқымды фестивальде бас жүлдеге ие болған қылқалам шеберлері мен жас суретшілердің шығармалары сатылымға қойылды. Картиналарды сатудан түскен барлық қаражат ауыр науқаспен, яғни лейкемиямен ауыратын балаларды қолдау қорына жіберілді. Аукционда 8 лот бойынша 12 автордың жұмыстары сатылып, 20 миллион теңгеден астам қаражат жиналды.
Қайырымдылық шарасының ашылуында «Бірлік» саяси партиясының төрағасы Серік Сұлтанғали Елбасы Жолдауында елімізді дамыған 30 елдің қатарына кіргізу туралы стратегиялық мақсат қойғанын айтып өтті. «Бүгінде Қазақстан әлемдік аренада танылып қана қоймай, өз орнын ойып алған алдыңғы мемлекеттердің қатарына ілікті. Халықтың әл-ауқаты, рухани және моральдық құндылықтары көптеген мемлекеттер үшін үлгіге айналды. Алайда, жақындарымызға деген көмек пен қайырымдылықтың болашақ үшін маңызы зор екенін ұмытпаған жөн. Дамыған елдерде қаражаттың едәуір бөлігі, бұл шамамен 80 пайызы, ақ қанмен ауыратын балаларды емдеуге қайырымдылық көмек түрінде келіп түседі. Сондықтан мен барлық отандастарды осы істен қалыс қалмауға, ортақ күш-жігермен тәуелсіз Қазақстандағы мұқтаж жас ұрпаққа осы ауыр кеселден арылуға көмек көрсетуге шақырамын», деді ол.
Әлемдік статистика деректері бойынша, қатерлі ісік аурулары ішінде бірінші орында ақ қан ауруы тұр. Елімізде жылына орта есеппен қатерлі қан ауруына шалдыққан 2500 бала емделеді екен, оның ішінде шамамен 600-інің онкологиялық және гематологиялық аурулары алғаш рет анықталған балалар. Сондай-ақ, жылына орта есеппен 140 адамның ақ қан ауруына шалдыққаны анықталады.
Марат АҚҚҰЛ,
«Егемен Қазақстан».
АСТАНА.
Қайырымдылық шарасының ашылуында «Бірлік» саяси партиясының төрағасы Серік Сұлтанғали Елбасы Жолдауында елімізді дамыған 30 елдің қатарына кіргізу туралы стратегиялық мақсат қойғанын айтып өтті. «Бүгінде Қазақстан әлемдік аренада танылып қана қоймай, өз орнын ойып алған алдыңғы мемлекеттердің қатарына ілікті. Халықтың әл-ауқаты, рухани және моральдық құндылықтары көптеген мемлекеттер үшін үлгіге айналды. Алайда, жақындарымызға деген көмек пен қайырымдылықтың болашақ үшін маңызы зор екенін ұмытпаған жөн. Дамыған елдерде қаражаттың едәуір бөлігі, бұл шамамен 80 пайызы, ақ қанмен ауыратын балаларды емдеуге қайырымдылық көмек түрінде келіп түседі. Сондықтан мен барлық отандастарды осы істен қалыс қалмауға, ортақ күш-жігермен тәуелсіз Қазақстандағы мұқтаж жас ұрпаққа осы ауыр кеселден арылуға көмек көрсетуге шақырамын», деді ол.
Әлемдік статистика деректері бойынша, қатерлі ісік аурулары ішінде бірінші орында ақ қан ауруы тұр. Елімізде жылына орта есеппен қатерлі қан ауруына шалдыққан 2500 бала емделеді екен, оның ішінде шамамен 600-інің онкологиялық және гематологиялық аурулары алғаш рет анықталған балалар. Сондай-ақ, жылына орта есеппен 140 адамның ақ қан ауруына шалдыққаны анықталады.
Марат АҚҚҰЛ,
«Егемен Қазақстан».
АСТАНА.
