Еліміздің кейбір аймақтарында қатты үсік күтіледі.
«Республика аумағының басым бөлігінде аязды ауа райы сақталады. Түнде солтүстікте, Алматы, Түркістан, Жетісу облыстарының таулы аймақтарында 30-33 градус аяз, Қарағанды, Ұлытау облыстарының шығысында -40 градус аяз, кей жерлерде өте қатты аяз күтіледі. Маңғыстау облысының солтүстік-шығысында аяз сақталады, ауа температурасы 20-24 градус аяз. Жамбыл облысында 30-33 градус аяз күтіледі», делінген «Қазгидромет» РМК хабарламасында.
Синоптиктердің болжауынша, еліміздің оңтүстік-шығысында, шығысында және солтүстігінде қар жауады, аздаған қарлы боранмен жел күшейеді, оңтүстік-шығыста тұман күтіледі.
«Ірі қалаларға келетін болсақ, Астанада көшпелі бұлт шығады, өткінші қар жауады, бұрқасын болады. Оңтүстік-батыстан 9-14 м/с жел соғады. Ауа температурасы түнде -27...-29°С, күндіз -17...-19°С; Алматыда – көшпелі бұлт шығады, жауын-шашынсыз. Жел 0-5 м/с. Ауа температурасы түнде -21...-23°С, күндіз -15...-17°С; Шымкентте – көшпелі бұлт шығады, жауын-шашынсыз. Солтүстік-шығыстан 3-8 м/с жел соғады. Ауа температурасы түнде -24...-26°С, күндіз -10...-12°С», деп толықтырды ведомство.
