«Қазгидромет» РМК ұсынған деректерге қарағанда, еліміздің барлық аумағына жауын-шашынсыз ауа райы сақталатын ауқымды антициклон әсер етеді. Тек республиканың шығысында атмосфералық фронтальды бөлімдердің өтуімен аздаған қар, төмен қарлы боран, елдің оңтүстігінде – желдің күшеюі, тұман күтіледі.
«Түнде Жетісу және Алматы облыстарының солтүстігінде, шығысында, таулы аудандарында -25-26 градустық аяз сақталады», дейді синоптиктер.
Астанада күн бұлтты, жауын-шашынсыз өтеді. Батыс, оңтүстік-батыстан соққан желдің екпіні 2-7 м/с дейңн жетеді. Ауа температурасы түнде -22-24°С, күндіз -13-15°С.
Алматыда да жауын-шашынсыз ауа райы сақталады. 0-5 м/с дейін жел соғады. Ауа температурасы түнде -15-17°С, күндіз -5-7°С.
Шымкентте аздаған бұлт күтіледі. Шығыстан жел соғып, 3-8 м/с жетеді. Ауа температурасы түнде -13-15°С, күндіз -1 + 1°С.
