Қазақстан • 25 Қаңтар, 2023

Республикалық маңызы бар жолдардың барлығы ашық

20 рет көрсетілді

25 қаңтардағы ахуалға сәйкес республикалық маңыздағы жол учаскелерінде қозғалысқа енгізілген шектеулер жоқ, деп хабарлайды Egemen.kz.

Бүгін таңғы сағат төрт шамасында Жамбыл облысының жолшылары автомобиль қозғалтқышы бұзылып «Сарышаған-Мыңарал» учаскесінде қалып қойған Өзбекстанның бес азаматына көмек көрсетті. Шетел азаматтары 1403 байланыс орталығына хабарласып көмекке жүгінген. Оқиға орнына дереу жеткен жолшы мамандар Өзбекстан азаматтарын Приозерск қаласына эвакуациялады.

Сондай-ақ кеше кешкі сағат 20:00 шамасында Шығыс Қазақстан облысының жолшылары арнайы техниканың көмегімен «Алматы-Өскемен» тасжолының 989 шақырымында бұзылып қалған  «Volvo» маркалы жүк көлігін Қалбатау ауылына дейін сүйреп апарған.

Бүгін таңғы сағат 10 шамасында Ақмола өңірінің жолшылары «Астана-Ерейментау-Шідерті» автожолының 77 шақырымында отыны таусылып, тұрып қалған фураның жүргізушісіне көмек көрсетті.

«25 қаңтардағы ахуалға сәйкес республикалық маңыздағы жол учаскелерінде қозғалысқа енгізілген шектеулер жоқ. Тасжолдар ашық. Мамандар қысқы күтіп-ұстау аясындағы жұмыстарды жалғастырып жатыр», делінген ҚазАвтоЖол хабарламасында.

Соңғы жаңалықтар

Алматыда екі автобус соқтығысты

Аймақтар • Бүгін, 11:33

Өндіріс көлемі кеміген

Қазақстан • Бүгін, 08:58

Ерте қамданғанның есесі кетпейді

Төтенше жағдай • Бүгін, 08:50

Әділдік іздеген кәсіпкер

Кәсіпкер • Бүгін, 08:40

Музей қоры толыға түседі

Музей • Бүгін, 08:35

Жыл бапкері атанды

Футбол • Бүгін, 08:30

Ұқсас жаңалықтар