Қоғам • 02 Ақпан, 2023

Digital Almaty: криптобиржалардың даму перспективалары талқыланды

308 рет
көрсетілді
2 мин
оқу үшін

Digital Almaty халықаралық форумының пленарлы сессиясы Blockchain Day тақырыбына арналды. Бұл жиында жетекші сарапшылар Қазақстандағы цифрлық активтерді өндіру саласының дамуын, криптобиржаларының даму перспективаларын, сондай-ақ Web 3.0 технологияларын енгізудің көзқарасы мен тәсілдерін талқылады, деп хабарлайды Egemen.kz.

Digital Almaty: криптобиржалардың даму перспективалары талқыланды

Kazakhstan Blockchain Day - криптоиндустриясы мен майнинг нарығындағы соңғы трендтер мен қиындықтарды талқылауға арналған жыл сайынғы іс-шара. Ол бір платформада 1000-нан астам тыңдаушыны, отандық және шетелдік сарапшылардан, крипто әуесқойларынан бастап мемлекеттік органдардың өкілдері мен перспективалық жобаларды әзірлеушілерге дейін  біріктіреді. Форумда сонымен қатар «Web 3.0: жаңа интернет-революция» панельдік сессиясы өтеді, оның аясында блокчейн индустриясының сарапшылары мен Дүниежүзілік экономикалық форумға қатысушылардың қатысуымен Web 3.0 тұжырымдамасын іске асыру жобасы іске қосылды.

Олардың Blockchain Day 2023 спикерлері ретінде қатысуын Қазақстан блокчейн технологиялары қауымдастығы президиумының төрағасы Исламбек Салжанов, деректер және блокчейн саясаты бойынша маман (Үндістанның төртінші өнеркәсіптік революция орталығы, Дүниежүзілік экономикалық форум) Аруши Гоэль сияқты сарапшылар қатысып жатыр.

«Қазпочта» АҚ басқарма төрайымы Әсел Жанасова, венчурлық инвестор және MOST Ventures серіктестігінің құрылтайшысы Бақыт Ниязов; «Фридом Банкінің» басқарушы директоры Абылайхан Оспанов, Қазақстандағы блокчейн және деректер орталығы индустриясы қауымдастығының вице-президенті Сергей Путраны да осы жиын барысында көрдік. Форумның басты мақсаты – Орталық Азиядағы блокчейн технологиясы мен криптостартаптардың келешегін зерттеу. Сарапшылар жиын барысында  «Блокчейн жобалары бүгінде инвестиция тартудың жоғары әлеуеті бар тұрақты бизнес пе?» деген мәселелерді талқылады.

Еске салайық, бірінші қазақстандық блокчейн күні елордада 2021 жылдың желтоқсанында Astana Hub-та өткен болатын. 2023 жылы форум Алматы қаласы әкімшілігімен және Алматы қаласы цифрландыру департаментімен, Қазақстан блокчейн технологиялар қауымдастығымен (ҚБТ), AIFC Tech Hub, MOST бизнес-инкубаторымен, CaspianEx крипто биржасымен және менеджментпен серіктестіктің арқасында мүмкін болды.