761 қазақстандық өз өтінімдерін сағат 10.00-де платформа іске қосылғаннан бастап алғашқы 18 секундта тіркеп үлгерген. Бірінші минутта сайтқа кірушілер саны 125 мың адамды құраған.
«Autonesie.kz сайты жүктемені көтеріп, пулдың қалыптасуын қамтамасыз еткендігін атап өтеміз. Лимитке жеткеннен кейін өтінімдерді қабылдау автоматты түрде аяқталып, «Өтінім беру» функциясы белсенділігін тоқтатты. Өтінім беру барысында кейбір пайдаланушылар автомобиль өндірушісін таңдай алмады, бұл өтінім лимитіне қол жеткізумен байланысты болды», деп жазылған хабарламада.
Еске салайық, келесі өтінімдерді қабылдау қазақстандықтарға наурыз айында, одан әрі – ай сайын қолжетімді болады.
