Бірқатар өңірде ауа райына байланысты ескерту жарияланды

Түнде Атырау облысының батысында, оңтүстігінде төмен қарлы боран күтіледі. Облыстың солтүстігінде тұман болады. Облыстың оңтүстігінде, шығысында және орталығында екпіні 15-20 м/с жел соғады. Түнде  Атырау қаласында төмен қарлы боран болжанады.

Күндіз Түркістан облысының таулы аймақтарында жаңбыр жауып, найзағай ойнайды. Облыстың солтүстігінде тұман күтіледі. Таңертең және түстен кейін оңтүстік-батысқа ауысатын желдің екпіні 15-20 м/с дейін жетеді, ал тау асуларында екпіні 25 м/с болады.

Ақтөбе облысының солтүстігінде тұман күтіледі. Облыстың орталығында екпіні 15-20 м/с дейін жел соғады.

Түнде және таңертең Жетісу облысының оңтүстігінде, орталығында және таулы аудандарында тұман күтіледі. Күндіз Алакөл көлдері ауданында екпіні 15-20 м/с жел соғады. Талдықорғанда түнде және таңертең тұман күтіледі.

Ақмола облысының солтүстігінде, шығысында қарлы боран болады деп болжанып отыр. Облыстың солтүстігінде, батысында, оңтүстігінде тұман күтіледі.

Мамандардың айтуынша, Маңғыстау облысының басым бөлігінде көктайғақ күтіледі. Облыстың солтүстігінде қарлы боран болады. Облыстың солтүстік-шығысында, солтүстігінде, оңтүстік-батысында 15-20 м/с жел соғады.

Алматы облысының оңтүстігінде және таулы аймақтарында тұман күтіледі.

Шығыс Қазақстан облысының оңтүстігінде, Абай облысының оңтүстігінде тұман болжанады.

Батыс Қазақстан облысының оңтүстік-батысында, оңтүстігінде солтүстік-шығыстан жел соғып, екпіні 15-20 м/с дейін жетеді.

Түнде Қызылорда облысының орталығында жел соғып, күндіз облыстың басым бөлігінде екпіні 15-20 м/с дейін жетеді.