Оның айтуынша, төлемдердің негізгі бөлігі тұрғын үй жағдайын жақсарту және емделуге ақы төлеу мақсаттарына пайдаланады.
«Бағдарламаны іске асыру басталғаннан бері аталған мақсаттарға 3,5 трлн теңгеден астам қаражат төленді. Қазіргі уақытта минималды жеткіліктіліктің шектерін ескере отырып, тұрғын үй жағдайларын жақсарту және емделу үшін тағы 600 млрд теңге алуға мүмкіндік бар», деп түсіндірді. Жанат Құрманов.
Спикердің айтуынша, әрбір салымшы зейнетақы жинақтарының бір бөлігін өз еркімен алады.
«Жас салымшылар қаражатты тұрғын үй жағдайларын жақсарту мақсатында жиі пайдаланады. Қазіргі уақытта салымшылар ай сайын шамамен 8-15 млрд теңгені тұрғын үй жағдайларын жақсартуға немесе емделуге ақы төлеуге жұмсайды», деп қосты Жанат Құрманов.
