СҚО полиция департаментінің хабарлауынша, айыпталушыдан мефедрон есірткі заты салынған 4 бума тәркіленді. Тергеу барысында қала тұрғыны ғаламтор желісінде бірден екі аккаунт тіркеп алып, белсенді түрде жұмыс істегені анықталды. Оған қатысты материалдар Қазақстан Республикасы Қылмыстық кодексінің 297-бабының 3-бөлігі (Есірткі, психотроптық заттарды өткізу, беру немесе өткізу мақсатында заңсыз дайындау, қайта өңдеу, иемдену, сақтау, тасымалдау) бойынша материалдар сотқа жолданды. Нәтижесінде ол 10 жылға бас бостандығынан айырылды.
«Синтетикалық есірткі сатудың жолын кесу – полицияның бірінші кезектегі міндеттерінің бірі. Естеріңізге сала кетейік, синтетикалық есірткінің үлкен мөлшері бір граммнан басталады», деді СҚО ПД басшысы Иван Терзиди.
