Аймақтар • 10 Ақпан, 2023

Ақтауда ұрлық жасаған бала күтуші ұсталды

420 рет
көрсетілді
1 мин
оқу үшін

Ақтауда пәтерінің кілтін бала күтушісіне сеніп тапсырған үй иесі құнды дүниелерінен айырылып қалған, деп хабарлайды Egemen.kz.

Ақтауда ұрлық жасаған бала күтуші ұсталды

Үй иесі өз арызында 2022 жылдың 5 желтоқсаны мен 5 қаңтар аралығында белгісіз тұлға оның үйінен алтын сырға мен білезіктер, сондай-ақ 2 800 АҚШ доллары мен 140 мың теңге қаржысын қолды еткені туралы жазған.

Осыдан кейін криминалдық полиция қызметкерлері 27 жастағы әйелді анықтап, ұстаған.

Аталған дерек ҚР ҚК-нің 188-бабы «Ұрлық» бойынша Ақтау қаласы ПБ сотқа дейінгі тергеп-тексерудің бірыңғай тізіліміне тіркелді.