ХАЛЫҚАРАЛЫҚ ҚАРЖЫГЕРЛЕРМЕН КЕЗДЕСТІ

Кеше Қазақстан Республикасының Премьер-Министрі Кәрім Мәсімов Таяу Шығыс және Орталық Азия елдері департаменті директорының орынбасары Дэвид Оуэн бастаған Ха­лықаралық валюта қорының миссия­сы­мен кездесті, деп хабарлады Пре­мьер-Министрдің баспасөз қызметі. Кездесу барысында Қазақстанның әлеуметтік-экономикалық дамуының бірқатар мәселелері талқыланды. ҚАЗАҚСТАН РЕСПУБЛИКАСЫ СЫРТҚЫ ІСТЕР МИНИСТРЛІГІНІҢ МӘЛІМДЕМЕСІ Қазақстан Жерорта теңізінің Газа секторына таяу жерде орын алған оқиғаны терең қайғыра отырып қабылдады, және қаза тапқандар мен жарақаттанғандардың отбасыларына көңіл айтады. Біз Газа секторының тұрғындарына халықаралық гуманитарлық көмек көрсетілуі қажет деп есептейміз. Қазақстан Республикасы қайғылы оқиғаның жағдайын тез арада жан-жақ­ты тергеу қажет деп біледі және барлық мүдделі тараптарды шиеленісті жағдай­дың одан әрі ушығуына жол бермей, ұстамдылық танытуға шақырады. ТАРАТУ ШЫҒЫНДАРЫ 10 ПАЙЫЗҒА ТӨМЕНДЕЙДІ Сенбі күні Байланыс және ақпарат министрі Асқар Жұмаға­лиев Бас редакторлар клубының мүшелерімен кездесті. Кездесу бары­сында министр басылым бас­шы­ларын саланы дамыту жоспар­лары­мен және осы бағытта қол жеткізілген табыстармен таныс­тырды. Сонымен бірге, Асқар Жұ­мағалиев осыдан бұрын болған кездесуді еске алып, оның еліміздің ақпарат рыногындағы нақты жағдайды бағалауға үл­кен көмек бергенін ауызға ал­ды. Осындай кездесулер бола­шақта да болып тұратын бо­лады, деді министр. “Меніңше, Байланыс және ақпарат ми­нистрлігінің жұмысы медиа-ры­ноктағы нақты қатысу­шылардың пікірлерін есепке ала отырып ұйымдастырылуы керек”. Кездесу барысында шараға қатысушылар рыноктағы бар­лық субъектілерге бірдей бәсе­келестік жасау мәселелерін көтер­ді, сондай-ақ баспасөз құралдарын таратудың проб­лемалары туралы айтты. Осы мәселеге байланысты министр соңғы ай бойы өзінің ведом­ствосы аталған мәселені ше­шу­мен белсенді түрде айналысып жатқанын айтты. Қазіргі кезде дайын өнімдерді тарату шы­ғындары барлық шығыстың 40 пайызын, кейде тіпті 50 пайызын құрайды. Осы мәселеге байла­нысты министр жиынға қаты­сушыларға жағымды жаңалық жеткізді. “Қазпошта” АҚ жа­салған келіссөздерден кейін ми­нистрлік осы компания қызметі­н 10 пайызға арзандатуға қол жеткізіпті. Бұл баспа өнімдерін шығаратын БАҚ басшыларын бейжай қалдырмаған үлкен қуаныш еді. Кездесу барысында министр сандық телевизияға көшу жө­ніндегі жұмыстарға да тоқталып, “Телерадио хабарларын тарату туралы” заң жобасын жасау жөніндегі жұмыс тобы әрекетінің қорытындылары туралы айтты. Осыған байланысты А.Жұмаға­лиев қазақстандық телерадио құралдары өнімдерінің сапасын көтеруге тоқталып, мемлекеттік БАҚ деңгейін арттыру қажеттігін атап көрсетті. Жақсыбай САМРАТ. ҚЫРҒЫЗ КӘСІПКЕРЛЕРІНІҢ РИЗАШЫЛЫҒЫН ЖЕТКІЗДІ “Атамекен” одағы” ұлттық эко­номикалық палатасының төр­ағасы А.Перуашев Қырғызстан Бизнес-ассоциациясы ұлттық альянсының мүшесі, Бішкек іс­кер­лік клубының атқарушы дирек­торы У.Қыдырбаеваны қабыл­дады. Кездесу барысында У.Қыдыр­баева Қазақстан-Қырғызстан кедендік шекарасындағы жағдай­дың шешімін табуға өзіндік үлес қосқан “Атамекен” одағына қырғыз кәсіпкерлерінің ризашылығын жеткізді. Бұдан бұрын хабарланғанындай, қырғыз кәсіпкерлері біздің елде­ріміз арасындағы кедендік шека­ра­ның ашылуына ықпал ету жөнінде өз әріптестері – қазақстандық “Ата­мекен” одағына өтініш жаса­ған болатын. Ұлттық экономи­ка­лық палата осы мәселеге бай­ла­нысты бірқатар өкілетті мемле­кет­тік органдарға, атап айтқанда, Қар­жы министрлігінің Кеден коми­те­тіне, ҚР ҰҚБ Шекара қызметіне өтініш жасаған болатын. 20 мамырдан бастап кедендік шекараның өткізу пункттері қа­лыпты жұмыс режіміне кө­шірілді. Кездесу барысында екі ел кәсіпкерлерінің ынтымақтастығына қатысты басқа да мәселелер қарал­ды, деп хабарлайды “Атамекен” одағы” ұлттық экономикалық палатасының баспасөз қызметі.