Қоғам • 15 Ақпан, 2023

Шетелдіктер ЖСН-ді қалай рәсімдей алады?

402 рет
көрсетілді
3 мин
оқу үшін

Ішкі істер министрі 2023 жылғы 8 ақпандағы бұйрықпен «Қазақстан Республикасында уақытша болатын шетелдіктерге жеке сәйкестендіру нөмірін қалыптастыру және түзету» мемлекеттік қызмет көрсету қағидаларына өзгеріс енгізді, деп хабарлайды Egemen.kz.

Шетелдіктер ЖСН-ді қалай рәсімдей алады?

Қызметті аумақтық полиция органдары «Азаматтарға арналған үкімет» мемлекеттік корпорациясы немесе «Электрондық үкімет» веб-порталы арқылы көрсетеді.

ЖСН рәсімдеу үшін шетел азаматы немесе оның заңды өкілі келген жері бойынша мемлекеттік корпорация немесе портал арқылы өтініш беріп, көші-қон полициясына қажетті құжаттарды қоса тапсыру тиіс.

Мемлекеттік корпорация арқылы жүгінген кезде келесі құжаттарды қоса беру қажет:

  • өтініш;
  • жеке басты куәландыратын құжат (егер тиісті тараппен немесе ҚР Үкіметімен келісімде өзгеше тәртіп белгіленбесе, жарамды шетелдік паспорт). Егер шетелдіктің жеке басын куәландыратын құжатта кириллицада немесе латын әліпбиінде анықтама деректерінің (тегі, аты, әкесінің аты, туған жері) жазылуы болмаса, құжаттың тиісті нотариалды куәландырылған аудармасын беру қажет;
  • нотариалды куәландырылған сенімхат (өкіл жүгінген кезде).

Портал арқылы жүгінген кезде:

  • шетелдік өкілінің ЭЦҚ-мен расталған электрондық сұрау салу;
  • жеке басын куәландыратын құжаттың электрондық көшірмесі (егер тиісті тараппен немесе ҚР Үкіметімен келісімде өзгеше тәртіп белгіленбесе, жарамды шетелдік паспорт). Егер шетелдіктің жеке басын куәландыратын құжатта кириллицада немесе латын әліпбиінде анықтама деректерінің (тегі, аты, әкесінің аты, туған жері) жазылуы болмаса, құжаттың тиісті нотариалды куәландырылған аудармасын беру қажет;
  • өкіл жүгінген жағдайда нотариалды куәландырылған сенімхат;
  • Қазақстан Республикасы сотының бас бостандығынан айыруға үкімі бойынша сотталған шетелдіктерде, азаматтығы жоқ адамдарда және реттелмеген мәртебесі бар адамдарда жеке басын куәландыратын құжаттар болмаған кезде мемлекеттік қызметті алу үшін өтініш негіз болып табылады.

Сонымен қатар, енді шетелдіктер ЖСН түзету үшін жүгіне алады. Сол сияқты, құжаттар қоса беріліп, тұрғылықты жері бойынша мемлекеттік корпорация арқылы өтініш беріледі.

Ол үшін құжаттарды мемлекеттік корпорация арқылы ұсыну қажет:

  • өтініш;
  • жеке басты куәландыратын құжат (егер тиісті тараппен немесе ҚР Үкіметімен келісімде өзгеше тәртіп белгіленбесе, жарамды шетелдік паспорт). Егер шетелдіктің жеке басын куәландыратын құжатта кириллицада немесе латын әліпбиінде анықтама деректерінің (тегі, аты, әкесінің аты, туған жері) жазылуы болмаса, құжаттың тиісті нотариалды куәландырылған аудармасын қоса беру қажет;
  • орнату деректерін өзгерту туралы куәлік;
  • өкіл жүгінген жағдайда нотариалды куәландырылған сенімхат.

ІІМ операторы келіп түскен өтінімдердің дұрыстығын тексереді және өтінім дұрыс болған жағдайда ЖСН қалыптастыру не түзету рәсімін жүзеге асырады.

Мемлекеттік қызмет жеке тұлғаларға тегін көрсетіледі.

Бұйрық 2023 жылдың 25 ақпанынан бастап қолданысқа енгізіледі.