Қоғам • 15 Ақпан, 2023

«Respublica» партиясының екі үміткері тізімнен шығарылды

238 рет
көрсетілді
1 мин
оқу үшін

«Respublica» партиясының Мәжіліс сайлауына түсетін кандидаттар тізімінен екі кандидат алынды, деп хабарлайды Egemen.kz.

«Respublica» партиясының екі үміткері тізімнен шығарылды

Бұған дейін «Respublica» партиясы 25 адамнан тұратын партиялық тізімді ұсынған еді. Бұл ретте ОСК партиялық тізімнен екі кандидаттың шығарылғаны туралы ресми мәлімдеді. Иманашев Дархан Серікұлының 2023 жылғы 10 ақпандағы өтініші ОСК-ға биылғы жылдың 14 ақпанында келіп түскен. Сұлтанов Олжас Абзалұлының 2023 жылғы 11 ақпандағы өтініші ҚР ОСК-на 2023 жылғы 14 ақпанда түсті», деді ҚР ОСК мүшесі Шавкат Өтемісов.

«Сайлау туралы» заңның 90-бабының бірінші тармағына сәйкес, олардың өтініші негізінде ОСК Дархан Иманашев пен Олжас Сұлтановты партиялық тізімнен шығару туралы шешімдердің жобаларын дайындады.