Ұстаз • 16 Ақпан, 2023

Оза шапқан ұстаздар

242 рет
көрсетілді
1 мин
оқу үшін

Қостанайдағы Назарбаев зияткерлік мектебінің үш бірдей мұғалімі математика, физика және информатика пәндері бойынша өткен халықаралық білім сайысының жүлдесіне ие болды.

Оза шапқан ұстаздар

IMPACT Olimpiad халық­аралық ашық байқауы осымен бесінші рет ұйымдастырылып отыр. Оған Қазақстан, Ресей,  Моңғолия, Грузия, Өз­бекстан, Қырғызстан, Тәжік­стан мемле­кет­терінен ұзын саны 250-ден астам мұғалім қатысқан.

Білім жарысының қорытын­дысы бойынша, физика пәнінің мұғалімі Сәлия Түктібаева 2-орын­ға ие болса, математика мұ­ғалімі Станислав Козловский мен информатика пәнінің мұ­ғалімі Борис Зеленов жүлделі 3-орынды иеленді.

– Байқау талаптары бойынша 7 тапсырма орындап шықтық. Оның төртеуі олимпиадалық тапсырмаға жатады, ал үшеуі – шешімі бар есептерден тұра­тын әдістемелік блок. Бұл жер­де біз қате тауып, есепті дұрыс ше­шудің әдістемелік жолда­рын түсіндіріп бердік. Тапсыр­ма­ларды орындауға 4 сағат уақыт берілген, бірақ мен осының бәрін сәл ертерек 3 сағаттың ішін­де орындап, тап­сырдым. Нәтиже бар, ең бас­тысы, өзіме пайдалы тәжірибе ал­дым, – дейді физика пәнінің мұ­ғалімі Сәлия Түктібаева.

Информатика пәнінің мұға­лімі Борис Зеленов әртүрлі дең­гейдегі тап­сырмаларды же­ңіл­ден күр­деліге қарай орындап шы­ғыпты.

– Тапсырмалар өте қызықты болды. Олимпиаданың алғашқы күні пәндік секциялар бойын­ша семинарлар өтті. Онда біз өз тәжірибемізбен, пәнді оқы­тудағы лайфхактармен бөлістік. Келесі күні өткен төрт сағаттық марафон барысында олимпиада деңгейіндегі 10 тапсырманы шештік, – дейді мұғалім.

 

Қостанай облысы