Скандинавиялық циклон шұңқырының және онымен байланысты атмосфералық фронтальды бөлімдердің әсерінен Қазақстанның басым бөлігінде ауа райының тұрақсыз сипаты сақталады, төменгі боранмен қар жауады, оңтүстік-батыста, оңтүстікте, оңтүстік-шығыста жаңбыр мен қар түрінде жауын-шашын жауады.
Қызылорда облысының батысында, солтүстігінде көктайғақ, тұман күтіледі. Облыстың орталығында күндіз екпіні 15-20 м/с жел соғады.
Абай облысының солтүстігінде, батысында, оңтүстігінде төмен қарлы боран күтіледі. Оңтүстік-батысқа ауысатын жел оңтүстікте, батыста, облыстың орталығында 15-20 м/с дейін жетеді.
Батыс Қазақстан облысының батысында, солтүстігінде қарлы боран болады деп күтіледі. Оңтүстік-батыстан оңтүстік-шығысқа ауысатын желдің екпіні 15-20 м/с жетеді.
Күндіз Ақтөбе облысының батысында, солтүстігінде боран болжанып отыр.
Шығыста, Атырау облысының орталығында тұман, көктайғақ күтіледі. Күндіз облыстың солтүстігінде, шығысында жел 15-20 м/с дейін жетеді.
Солтүстік Қазақстан облысының оңтүстігінде қарлы боран болады. Күндіз облыстың оңтүстігінде екпіні 15-20 м/с дейін жел соғады.
Маңғыстау облысының солтүстігінде тұман, көктайғақ күтіледі.
Астанада тұман түседі.
Түркістан облысының таулы аймақтарында тұман күтіледі.
Ұлытау облысының солтүстігінде, шығысында тұман күтіледі. Күндіз облыстың солтүстігінде екпіні 18 м/с жел соғады.
Жетісу облысының таулы және тау бөктеріндегі аудандарында тұман болады. Облыстың солтүстігінде 15-20 м/с жел соғады. Алакөл көлдері ауданында екпіні 23-28 м/с жетеді, Талдықорған қаласында түнде және таңертең тұман күтіледі.
Күндіз Қостанай облысының басым бөлігінде қар жауады. Облыстың оңтүстігінде, шығысында қарлы боран болады.
Ақмола облысының батысында, солтүстігінде, оңтүстік-шығысында төмен қарлы боран күтіледі. Облыстың оңтүстігінде, шығысында тұман болады деп болжанып отыр. Күндіз батыста, облыстың солтүстігінде екпіні 15-20 м/с жел соғады.
