ТЖМ Өнеркәсіптік қауіпсіздік комитетінің Павлодар облысы бойынша департаменті мәліметінше, газ шығуы салдарынан қазандық ғимаратында газ-ауа қоспасы жарылған.
Жарылыстан кейін қазандық ғимараты жартылай құлаған. Оқиға салдарынан қазандықтың екі қызметкері - компрессоршы мен газ таситын жүргізуші зардап шекті.
«Қоңырау 16:27-де түсті. Оқиға орнына жедел жәрдем және апаттық медицина орталығының бригадасы жіберілді», деп түсіндірді жедел жәрдем станциясының баспасөз орталығы өкілдері.
Күйік шалған 43 жастағы ер адам қалалық ауруханаға жеткізілді, тағы бір жәбірленуші, дене жарақатын алған 59 жастағы ер адам ауруханаға жатудан бас тартқан.
