23 қаңтарда заңдастыру басталғалы бері өткен үш апта ішінде батысқазақстандықтардың атына барлығы 2505 автокөлік ауысқан екен.
Оның 295-і Армения мемлекетінде тіркелген болса, 87 көлік Армениядан бұрынырақ әкелініп, сары нөмірмен жүрген екен. Заңдастырылған көліктердің басым бөлігі Ресей Федерациясынан келген. Мұндай автокөлік саны 2115-ке жетіпті.
Тіркелген көліктердің тізімінде Араб Әмірліктерінен келген – 3, Белоруссиядан келген – 2, Грузия мемлекетінен – 2, Қырғыз елінен 1 машина да бар.
Батыс Қазақстан облыстық Полиция департаментінің баспасөз қызметі еліміздің өзге өңірінен батысқазақстандықтардың атына тіркелген автокөліктердің санын да жария етті. Осындай 44 көліктің 14-і – Армениядан, 28-і – Ресейден, 2-еуі Қырғызстаннан әкелінген екен.
Батыс Қазақстан облысы
