![Түркияда 3 адамды құтқарған Мирта атты ит брифинг алаңына келді](/media/2023/02/23/crop-22_11_774x1162_63f7248fc9b56797188689.jpg)
Мирта атты неміс овчаркасы кинолог-нұсқаушымен бірге ОКҚ алаңына келді.
«Мирта Түркияда үйінділер астында қалған 3 адамды тапты. Сондай-ақ бельгиялық малинуа овчаркалары Джейкоб, Лига М Сириус және Аксель, лабрадор Чарли Кинг, Гринпис есімді бордер колли, кинолог-нұсқаушылармен және құтқарушылар отрядтарымен бірге бірнеше күн бойы қираған нысандарда жұмыс істеп, әр адамның өмірі үшін күрескен», деп жазылған ОКҚ таратқан хабарламада.
ТЖМ өкілдері қазақстандық кинологиялық топтар іздестіру-құтқару жұмыстарында жақсы нәтижелер көрсетіп, үйінділер астында қалған адамдарды іздеу кезінде жоғары біліктілігін растағанын айтты.