Қоғам • 02 Наурыз, 2023

Балаларды зорлық-зомбылықтан қорғау бойынша кешенді жоспар әзірленді

751 рет
көрсетілді
2 мин
оқу үшін

Оқу-ағарту министрлігі балаларды зорлық-зомбылықтан, суицидтен қорғау және олардың құқықтары мен әл-ауқатын қамтамасыз етудің 2023-2025 жылдарға арналған кешенді жоспарын әзірледі, деп хабарлайды Egemen.kz.

Балаларды зорлық-зомбылықтан қорғау бойынша кешенді жоспар әзірленді

Қаулы жобасының мақсаты - балалардың қауіпсіздігін қамтамасыз ету, балаларға уақтылы білікті көмек көрсету, сондай-ақ 2023-2025 жылдарға арналған балаларға қатысты зорлық-зомбылықтың алдын алуға бағытталған қосымша шаралар кешенін қабылдау жөніндегі жүйені құру.

Кешенді жоспарда келесі бағыттағы бірқатар шаралар қарастырылған:

  • балалардың құқықтары мен мүдделерін сақтау бойынша адамдардың жауапкершілігін қатаңдату;
  • білім беру ұйымдарын қорғаудың кешенді жүйесімен қамтамасыз ету;
  • балалар арасында балаларға қатысты зорлық-зомбылық, құқық бұзушылық және суицид деңгейін төмендету, оның ішінде психологиялық қызметті күшейту;
  • дағдарыс жағдайынан шығу бойынша балаларға білікті көмек көрсету;
  • балалар арасында жолдарда, суда болуы мүмін оқиғаларға жол бермеу, өрттің алдын алу, балаларға жануарлардың шабуыл жасауы, балалардың терезеден құлауының алдын алу;
  • балалар мен ата-аналардың құқықтық сауаттылығын арттыру, балалар мен ата-аналар қатынастарын нығайту жөніндегі ақпараттық-түсіндіру қызметін ұйымдастыру.

Атап айтқанда, кешенді жоспар заңнамалық және нормативтік құқықтық базаны жетілдіруді көздейді.

Жоспарды іске асыру келесі көрсеткіштерге әкеледі деп күтілуде:

  • Балаларға қатысты, оның ішінде олардың жыныстық тиіспеушілігіне қарсы қылмыстар санының жыл сайын 2%-ға төмендеуі;
  • Кәмелетке толмағандар арасындағы суицидтің жыл сайын 1,5%-ға төмендеуі;
  • Қосымша біліммен қамтылған балалар санының жыл сайын 5%-ға артуы;
  • Төтенше жағдайлар, жол-көлік оқиғалары және басқа да жазатайым оқиғалар салдарынан балалардың өлімі мен жарақаттану санын жыл сайын 5%-ға төмендету;
  • Балалардың құқықтарын қорғау саласындағы мемлекеттік органдардың ведомствоаралық өзара іс-қимылының тиімділігін арттыру.

Құжат 17 наурызға дейін қоғамдық талқылау үшін Ашық НҚА сайтында орналастырылған.

ҚР Бас прокуратурасының Құқықтық статистика және арнайы есепке алу комитетінің деректері бойынша 2022 жылы балаларға қатысты 2 005 қылмыс жасалды (2021 жылы – 2 088), олардың жыныстық тиіспеушілігіне қарсы қылмыстар саны 719 құрады (2021 жылы - 920), сондай-ақ балалар арасында 155 суицид оқиғасы тіркелді (2021 жылы – 144).

Денсаулық сақтау министрлігінің мәліметінше, республикада жыл сайын 600 мыңнан астам адам жарақат алады, олардың 22%-дан астамы - балалар, яғни 130 мыңы (соның ішінде мұзға құлау, терезеден құлау, ЖКО, өрт, су айдындарында және т.б.) немесе 360 бала күн сайын жарақат алады.