Автобус орта жолда бұзылып қалған. Оқиға Әйтеке би ауданы Қарабұтақ–Қостанай тас жолында болды. Ауа райының қолайсыздығы оларды жедел түрде басқа көлікке ауыстыруға кедергі келтірген. Жолаушылар бұзылып қалған автобустың ішінде ұзақ күтуге мәжбүр болды.
Оқиға туралы хабарлама аймақтық ТЖ басқармасына келіп түскен соң бірден патрульдік топтар жіберілді. Олар жолаушыларды жақын маңдағы ауылға жеткізіп, жергілікті мектепке орналастырған. Автобуста 63 жолаушы болған. Олардың 60-ы Өзбекстан азаматтары. ТЖ басқармасы жол ашылғаннан кейін жолаушыларға басқа автобус жіберілетінін айтты.
