Қарағанды қаласына жаңа әкім тағайындалды

АСТАНА. 30 маусым. Президент әкімшілігінің келісімімен және облыс басшысы Нұрмұхамбет Әбдібековтің өкімімен Қарағанды қаласының әкімі болып Нұрлан Әубәкіров тағайындалды. Бұл туралы Karaganda-region.gov.kz хабарлады. Н.Әубәкіров 1975 жылы 29 желтоқсанда туған. Екі жоғары білімі бар. Мамандығы – экономист, заңгер. 1997 жылдан бері мемлекеттік қызметте. Ол әр жылдарда Қарағанды облыстық қазынашылық басқармасының жетекші қазынашысы, Қазыбек би ауданы әкімі аппаратының басшысы, Қарағанды қаласы тұрғын үй-коммуналдық шаруашылық, жолаушылар көлігі және автомобиль жолдары бөлімінің бастығы қызметтерін атқарған. Сондай-ақ, Қарағанды облысы әкімі аппараты басшысының орынбасары, Қарағанды қаласы Қазыбек би және Октябрь аудандарының әкімі, Қарағанды қаласы әкімінің орынбасары болды. Ал 2012 жылдан осы тағайындауға дейін Балқаш қаласының әкімі қызметін атқарып келді. Жолдыбай Базар. Дереккөз: Karaganda-region.gov.kz. Фото: Karaganda-region.gov.kz.