Болжамға сәйкес, еліміздің басым бөлігінде тұрақсыз ауа райы сақталады.
«Оңтүстік-шығыстың таулы аймақтарында қар аралас жаңбыр жауады, солтүстік аймақтарда – қар, оңтүстікте, оңтүстік-шығыста жаңбыр жауады, таулы аймақтарда қатты жауын-шашын болады. Тек еліміздің батысында, солтүстік-батысында, елдің солтүстігінде жауын-шашынсыз ашық ауа райы күтіледі. Республикамыздың басым бөлігінде жел күшейеді, тұман болады, солтүстік облыста көктайғақ, елдің оңтүстігінде, оңтүстік-батысында, оңтүстік-шығысында – найзағай ойнап, бұршақ түседі деп болжанады», делінген «Қазгидромет» РМК хабарламасында
Сондай-ақ синоптиктер түнде еліміздің оңтүстігінде, шығысында, Алматының таулы аудандарында, Жетісу облысының таулы аудандарында, күндіз Жамбыл облысының таулы аудандарында қатты жаңбыр жауатынын айтады.
«Түнде Жетісу облысының солтүстігінде ауа температурасы -1 градусты көрсетіп, үсік жүреді», делінген «Қазгидромет» РМК хабарламасында.
