Ұлттық комиссия сот-психологтар, балалардан жауап алу әдістері және жеке полиция бөлімдері, жыныстық зорлық-зомбылықпен күресу бойынша мәселелерді қарастырды.
Айман Омарова осы саладағы мамандарды дайындау және кәсіби білім беруге қатысты пікір білдіріп, сот психологтарының болуы маңызды екенін айтты. Әрі Ұлттық комиссия өкілдері сот-психологтарды даярлау үшін оқу курсын дайындайтынын жеткізді.
Сонымен қатар, ол зорлық-зомбылық мәселесін де көтерді.
«Ең үлкен мәселе – зорлық-зомбылыққа қарсы қылмыстық істерді тергейтін полиция бөлімшелерінің жоқтығы. Көбіне бұндай істер дәлелдемелердің дұрыс емес уақытта алынуынан, сараптама уақытында тағайындалмауынан және осыған ұқсас себептермен тоқтатылады. Сондықтан біз зорлық-зомбылыққа қатысты істерді тергейтін жеке департаменттер құруды ұсынамыз», деді спикер.
Тағы бір маңызды ұсыныс - кәмелетке толмағандарды жауапқа алу әдістемесін әзірлеу.
«Құжатты теоретиктер емес, оны іс жүзінде жасайтын адамдар әзірлеуі керек. Өйткені жас балалардан жауап алған кезде олар 10 рет: «Зорладыңыз ба, зорламадыңыз ба?» деп сұрайды. Кішкентай балаға үлкендермен жиі қойылатын сұрақты қоюға болмайды», деді ол.
Адвокат Айман Омарова мұндай жағдайларда сот-медициналық сараптаманы сауатты жүргізу қажеттігін алға тартты.
Қорытындылай келе, Айман Умарова Ұлттық комиссия балалар құқықтары жөніндегі омбудсмендерді оқытуды да дайындайтынын айтты.
