![Өскеменде жедел жәрдем қызметкерлері жүрегі тоқтап қалған әжені аман алып қалды](/media/2023/05/02/fe903f80-c5e2-4ae8-a69b-765e7a28f549.jpg)
ШҚО Денсаулық сақтау басқармасының мәліметіне сүйенсек, «103» жедел арнасына қоңырау шалған әйел анасына көмек көрсетуді сұраған.
«Фельдшерлер Ерасыл Алтайұлы мен Тілеген Төлепбергенов шақырту орнына 10 минут ішінде келіп жетті. Тексеру кезінде 81 жастағы әженің жағдайы кенеттен нашарлап, жүрегі тоқтап қалған», делінген ақпаратта.
Сол кезде жедел жәрдем қызметкерлері шұғыл түрде жүрек-өкпе реанимациясын жасады. Абырой болғанда, содан кейін әженің жүрегі қайта соғып, тыныс ала бастады.
Ауруханаға жеткізілген соң кейуананың жағдайы жақсара бастады.