«Ұсталған адамдар есірткі заттарын тарату және сату қылмыстары бойынша айыпталып отыр. Күдіктілер қаланың әр жерінде жеке-жеке ұсталды. Барлығы уақытша ұстау изоляторына қамалды. Тергеу амалдары есірткі заттарды өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізуді көздейтін ҚР ҚК-нің 297-бабына (1,3-б.) сәйкес жүргізілуде», деді Жетісу облысы ПД есірткі қылмысына қарсы іс-қимыл басқармасының бастығы Мұрат Жұмабаев.
Жыл басынан бері өңірде заңсыз айналымнан 30 келіден астам түрлі есірткі заттары тәркіленді. Олардың ішінде марихуана, гашиш және «синтетика» есірткі заттары бар.
