Қазақстан құрамасы Латвияның Рига қаласында шайбалы хоккейден өтіп жатқан әлем чемпионатына қатысып жатыр. Осыған орай еліміздегі ең үлкен ту ұлттық құраманы қолдау мақсатында Юрмала қаласында жайылды. Сондай-ақ бұл флешмоб 2027 жылғы хоккейден әлем чемпионатын Қазақстанда өткізу өтінімін қолдау үшін де жасалған.
Ригаға арнайы жеткізілген тудың жалпы көлемі 800 шаршы метр.
Қазақстанның Латвиядағы елшілігі Рига және Юрмала Думасының басшылығына, 86-шы Әлем чемпионатының ұйымдастыру комитетіне және Латвия хоккей федерациясына алғыс білдірді.
Айта кетейік, бүгін Қазақстан құрамасы Канада құрамасына қарсы ойын өткізеді.
