Білім • 25 Мамыр, 2023

Алма Қыраубаева оқулары

428 рет
көрсетілді
2 мин
оқу үшін

Жуырда Әл-Фараби атындағы Қазақ ұлттық универси­тетінде «Жәдігер» орталығының ұйымдастыруымен көрнекті ғалым, ұлағатты ұстаз, филология ғылымдарының докторы, профессор Алма Қыраубаеваның авторлық бағдарламасы негізінде ашылған гуманитарлық қазақ мәдениеті лицейінің 30 жылдығына орай «І Алма Қыраубаева оқулары» өтті.

Алма Қыраубаева оқулары

Көрнекті ғалым «Ғасыр­лар мұрасы», «Ежелгі әдебиет», «Шы­ғыстық қисса-дастан­дар» ат­ты еңбектерімен ғы­лым ­жо­лында өз қолтаңба­с­ын ­қал­­дырды. Осы жинақта­рын­­да баланың бойына ең алдымен адамгершілік пен кісілік қасиетті қалыптастыруды ­мақ­­сат еткен ұлағатты ұс­таз Мағ­жан Жұмабаевтың ­«Пе­­­да­­­го­гикасы» мен Жүсіп­бек Ай­мауытұлының «Жан жүйе­­сін» ұлттық тәрбиенің нұс­­қау­лы­ғы ретінде қарастыр­ды. Алма апай – халқымыздың ­ұлы ­мұ­­ратын өмірлік мақсаты­на айналдыра білген жан. ­Ғы­­лым жолында жүріп, ұлт­тық мектептің не­гізін қалады.

Алғашқы болып сөз алған фи­лология ғылымдарының кан­ди­даты Самал Дәрібаев айту­лы ғалымның өмірі мен қай­раткерлік жолына қысқаша тоқталды.

«Алма Қыраубаева ғы­­лым мен педагогика саласы­на ­зор үлес қосып, артына мол мұ­ра қал­дырды. Ғалымның өне­ге­лі өмір жолы баршамызға ­үлгі бо­лары хақ. Профессордың ­ғы­лыми орасан еңбегін кеңі­нен насихаттау мақсатында бұл іс-шара алғаш рет өткізіліп отыр, ке­лешекте оны дәстүрге айналдыру жоспарда бар», деді ол. Ғалымның баласы Бұлан Тәйті анасы туралы жылы ес­телігімен бөлісті.

Алғаш өтіп отырған ға­лым оқуларына еліміздің әр өңі­­ріндегі жоғары оқу орындарынан 9 ғылыми жоба мен 28 эссе қабылданды. Бай­қау­ға Қазақ ұлттық уни­верси­те­ті филология факуль­тетінің оқытушылары қазылық етті. Ғалымның ежелгі және орта ғасырлардағы әдеби жәді­герлер, шығыстық қисса-дас­тандар туралы зерттеулерінің маңызы мен ұлттық мектеп тұ­жырымдамасы аталымын­да бірінші орынды М.Қозы­баев атындағы Солтүстік Қазақ­стан университетінің 3-курс сту­­дент­тері Динара Абжалова мен Аяжан Жайымбаева ­же­ңіп алды. Ал ғалымның ұс­­таздық болмысы, ғылыми-пе­да­­гогикалық еңбектері, ру­ха­ни құндылықтар туралы тұ­жы­рымдарын саралауда үз­дік эссесімен Абай атындағы Қазақ ұлттық педагогикалық уни­верситетінің студенті Ахат Ділнәз топ жарды.

Іс-шара соңында байқау жеңімпаздарына Space English оқу орталығының сертификаты мен «Жәдігер» орталығының Алма Қыраубаева атындағы стипендиясы табыс етілді.

 

Ләйлә НОҒАЙБЕКҚЫЗЫ,

Әл-Фараби атындағы Қазақ ұлттық университетінің магистранты