Олимпиада • 31 Мамыр, 2023

Халықаралық олимпиадаға барады

140 рет көрсетілді

Орал қаласындағы физика-математика бағытындағы Назарбаев зияткерлік мектебінің 24 оқушысы World Scholar’s Cup халықаралық олимпиадасының аймақтық кезеңіне қатысып, Доха, Сеул, Лондон, Сямынь, Бангкок, Голд-кост қалаларына шақырту алды. Аталған білім сайысы Алматы қаласындағы Galaxy халықаралық мектебінде өтті.

Халықаралық олимпиадаға барады

World Scholar’s Cup акаде­мия­лық олимпиадасы болашақ ғалымдар мен көшбасшылардың жаһандық қауымдастығы болып саналады. Бүгінге дейін өзекті мәселелер мен идеяларды талқылау үшін әлемнің әр түкпірінен оқушылардың басын біріктіріп, олардың жаңа қыр­ларын ашуға, алған білімін іс жүзінде қолдана білуге және өз­дерінің көшбасшылық қасиетін шың­дауға жол ашып отыр. Мек­тептің ағылшын тілі пәнінің мұғалімдері А.Серғалиева және А.Қуанышқалиеваның же­тек­шілігімен аға лигаға аттан­ған зият­керлер Team Chal­lenge, Debate Champions, Team Bowl, Writing Champions, Chal­len­gesubjects, Team Debate, Team Writing, Championscholars санаттары бойынша алтын және күміс медальдерге ие болды. Оның ішінде 9-сынып оқушысы Дана Қожанияз барлық санат бойынша ең жоғары ұпай алып, School Top Scholars номинациясымен марапатталды. Нәтижесінде оқу­­шы­лардың озық ойлары мен қа­рым-қабілеті жоғары баға­ланып, ха­лықаралық кезеңге жолдама ал­ды.

Қатысушылар команда­лық дебат, бірлескен шығар­ма­шы­лық жұмыс, командалық сұрақ-жауап және тест бойынша сынға түсті. Шетелдерге ша­қыр­­ту алып ша­быттанған шә­кірт­­тер ал­­дағы уақытта мектеп бе­делін әлем­­дік деңгейде би­ік­теткісі ке­леді.

 

Батыс Қазақстан облысы