Ауа райы • 05 Маусым, 2023

Елдің басым бөлігінде төтенше өрт қаупі сақталады

226 рет
көрсетілді
1 мин
оқу үшін

Синоптиктер 6 маусымға арналған ауа райы болжамын ұсынды, деп хабарлайды Egemen.kz

Елдің басым бөлігінде төтенше өрт қаупі сақталады

«Қазгидромет» РМК мәліметінше, бірқатар өңірде найзағай ойнап, жаңбыр жауады, сондай-ақ тұман түсіп, қатты ыстық күтіледі.

«Тек республиканың оңтүстігі мен шығысында жауын-шашынсыз ауа райы сақталады. Республикада жел күшейеді, батыста бұршақ жаууы мүмкін, түнде және таңертең оңтүстік-батыста тұман күтіледі», делінген хабарламада. 

Ақмола облысының оңтүстік-батысында, Ұлытау, Қарағанды ​​облыстарының оңтүстігінде қатты ыстық күтіледі.

Ақмола, Түркістан, Маңғыстау, Ақтөбе, Қостанай, Солтүстік Қазақстан, Павлодар, Қарағанды, Ұлытау, Шығыс Қазақстан, Абай, Қызылорда, Жамбыл, Жетісу облыстарында, Алматының солтүстік жартысында, Атыраудың солтүстігінде, шығысында төтенше өрт қаупі сақталады.

Түркістан, Ақтөбе облыстарында жоғары өрт қаупі сақталады.