Қоғам • 07 Маусым, 2023

«Ешқайда барғалы жатқан жоқпыз»: Қорғаныс министрі желідегі қауесетті жоққа шығарды

580 рет
көрсетілді
1 мин
оқу үшін

ҚР Қорғаныс министрі Руслан Жақсылықов «Қазақстан әскері Ресей шекарасы мен қалаларын күзетуге жіберілуі мүмкін» деген қауесетке қатысты пікір білдірді, деп жазады Egemen.kz.

«Ешқайда барғалы жатқан жоқпыз»: Қорғаныс министрі желідегі қауесетті жоққа шығарды
БАҚ өкілдерінің айтуынша, жуырда әлеуметтік желіде Қазақстанның ҰҚШҰ құрамындағы әскері Ресей шекарасын қорғау үшін Воронеж және Белгород облыстарына жіберілуі мүмкін деген ақпарат тарады.

Алайда Руслан Жақсылықов бұл ақпаратты жоққа шығарды.

«Қорғаныс министрі ретінде айтатыным, Қазақстанның Қарулы күштері елден тысқары кетпейді. Қандай да бір мәселелерді шешу міндеттемелерін, бітімгершілік миссияларын тек БҰҰ аясында атқарамыз. Ешқайда барғалы жатқан жоқпыз, уайымдамаңыздар», деп сендірді министр.