Өршіген есірткі саудасы

Облыстық Полиция департа­мен­­ті есірткі биз­не­­сіне қарсы кү­рес басқар­ма­сы­ның қызметкер­лері күдік­тілерді «Петропавл-Астана» автожолында ұстады. Пет­­ро­павл­дан Астанаға қарай ыз­ғыт­қан «Volkswagen Passat» кө­лігі по­ли­цияның тоқ­та деген бел­гісін көр­меген болып, жү­­рісін жал­ғас­тыра бер­ген. Бірақ көлік Ақ­қа­йың ауда­ны­ның аумағындағы Астрахан ауылының түбінде бә­рі­бір тоқ­­татылды. Көлік салонында 29 және 30 жастағы екі петро­павл­дық болған. Полиция еке­уін де сырт­­қа шығарып, қол­дарына кісен сал­­ғаннан кейін автомобильдің багажын тек­се­реді. Багажды ашқанда 5 қап­­қа салынған шөптен жасал­ған зат­тардың иісі аңқып қоя бер­ген. Артынан сараптама қоры­тын­ды­­сы қап­тардағы шөптің салмағы 128 кг-ға тең марихуана екенін анықтап берген.

Ұсталғандардың бірі – 29 жас­­тағы жігіт бұрын да есірт­кі та­сы­малдағаны үшін қыл­мыстық жазаға тартылып, сотты болған. Күдіктінің үйін, қора-қопсысын тексергенде тағы да 200 кг марихуана мен 21 кг 300 грамм гашиш табылған. Бар­­лық есірткінің салмағы 464 килограм­ға жеткен. Бір айта кетерлігі, бұ­рын марихуана оңтүстіктен солтүстік­ке тасымалданушы еді, енді кері­сін­ше солтүстіктен оңтүстікке та­сыла бастаған. Мұның бір мәні бар. Бұл есірткіні тұтынушылар Астана маңында көбейе түскенін де көрсетеді.

Солтүстік Қазақстан облысы Полиция департа­мен­ті бастығы­ның орынбасары, полковник Рус­лан­ Назаров қазір екі күдіктінің қа­мауға алынып, бұл дерек бойын­ша қылмыстық іс қозғалғанын жет­­­кізді. Полков­никтің айтуынша, жыл басынан бері облыс аумағын­да есірткі қыл­мысына қатысты 44 кү­­дікті анық­талған. Олар есірткінің заң­сыз айналымы бойынша 68 қыл­­мыс жасаған болса, оның 20-сы есірткі таратуға қатысты. Осы қыл­мыстарды ашу барысында 22 кг түрлі есірткі зат­тары тәр­кіленген. Оның 800 грамы син­тетикалық есірткі. Мұның бар­лығы Петропавл аума­ғында есірт­кі айналымының ауқы­мы өсіп келе жатқандығын көр­­сетеді. Ал соңғы тәркіленген ­128 кг есірт­кі – жұлынқұрттың шек­тен шық­қандығының айғағы.

Облыстық Полиция департа­мен­ті есірткі бизне­сіне қарсы күрес басқармасы­ның бастығы, поли­ция подпол­ковнигі Иван Терзиди осыдан екі ай бұ­рын 15 орынға жа­сан­ды есірткі ұн­тақтарын тас­тап кетумен айналы­сып жүр­ген 21 жас­та­ғы жігіттің ұстал­­ғанын айтқан еді. «α-PvP» деп аталатын синтетикалық есірт­кіні жасаушылар оны интернет арқылы сатып, ақ ұнтақты бел­гілі орындарға тығып кетіп отыр­ған. Бұл да – есірткі жасау мен та­ра­ту­дың өңірде «бір жолға қо­йыл­ғанды­ғын» көрсететін факт. Осы­ның бә­рін ескере отырып Сол­түстік Қазақ­стан облысының по­ли­циясы ғана емес, есірткі бизне­сі­мен рес­пуб­лика­лық деңгейде кү­ре­­сетін мамандар тізе қосып, жұ­лын­­құрттың түп тамы­рын құр­туға ерекше ден қою қажет.

Солтүстік Қазақстан облысы