Құрылыс • 26 Маусым, 2023

Құрылыс жұмысындағы салғырттық

1450 рет
көрсетілді
4 мин
оқу үшін

Петропавл қаласында құрылысы басталып, уақытында аяғына дейін жеткізілмей жатқан 33 нысан бар. Бөлінетін қаражатына қызығып «көтере алмайтын шоқпарды беліне байлаған» мердігер компаниялар түрлі сылтаумен құрылыстарды аяқтай алмай отыр.

Құрылыс жұмысындағы салғырттық

Өңір басшысы Айдарбек Сапа­ров жуырда бірқатар құрылыс ны­сан­дарына күтпеген жерден барып, жұмыс барысымен, олар­дың мәселелерімен танысты. Алды­мен ол «Южный» шағын ауданына барды. Мұндағы құрылыс 1 мыңға жуық жер үй салынатын телімнен тұрады. Қазір мұнда жарық тарту жұмыстары жүр­гізілуге тиіс-тін. Іске жауапты – жергілікті «Электромонтаж» акцио­нерлік қоғамы. Алайда әкім бастаған басшылар мен қосшы­лар барғанда мұнда не техника, не оны жүргізетін адам, не құры­лыс­шылар көрінбеді. Облыс әкімі мердігердің жұмысының сал­ғырттығына ескерту­ жасады. Ал осы компа­ния­ жұмысын бақылайтын «Технад­зор» серіктестігінің бас сарапшы­сы­ Саян Жанғужин былай деп ақ­талған болды: «Құрылыс-мон­таж жұмыстарын жүргізуге рұқ­сат­ты тек 30 мамырда алдық. Қазір бағандар орнатылды. Енді мердігер осы жерге өздерінің өндірістік орындарын, киініп-шешінетін вагондарын орнатулары керек еді, сол жұмыстар ақсаңқырап тұр. Жалпы, бұл жерде 143 жаңа жұмыс орнын ашу белгіленген», деді. Алайда бағандардың тұрғызылып бол­ғанына да бірнеше күн бол­ғанымен «Электромонтаж» ком­­­п­а­ниясы әлі қызу жұмысқа кіріс­пегендігі үшін Айдарбек Сей­піл­ұлы Саян Жанғужинге ескер­ту­ жасап, «қазіргідей жайлы күн­дер­де жұмыс қызу жүр­гі­­зіл­мейтін болса, алдымен сіз­дер­ге, сосын мердігерге шара қол­да­нылатын болады», деді. Осы құ­ры­лыс бойынша баяндаған қала әкімі Руслан Аңбаев бұл жобаға 2,8 млрд теңге бөлінгенін, құ­ры­лыс жұмыстары жылдың ая­ғы­на дейін аяқталуға тиіс екенін мәлім­деді.

Осыдан әрі әкім бастаған топ­ «Сол­неч­­ный-2» шағын­ ауда­нын­дағы дәл осындай құры­лыс­­тың барысын тексерді. Мұн­да­ғы­ құры­лысты жүргізіп жатқан «Альфа-Север» ЖШС электр­­мен және сумен жабдықтау жұмыс­та­рын аяқтап, енді жолдар­мен­ қосалқы стансалар салуға кіріс­кен­ екен. Жүргізіліп жат­қан қызу жұ­мыстарды көрген Айдар­бек­ Сапа­ров оны «Южныйдағы» мер­ді­­гер­ге үлгі етті.

Ұлттық ұлан акаде­мия­­­­­сының аума­ғында да 2022 жыл­дың­ сәуір айынан бері жаңа ке­шеннің құрылыстары жүргізіліп жатыр. Ол 660 орынға шақталған казар­маны, 800 орындық залы бар мәдениет үйін және музей­ ғи­маратының құрылысын қамти­ды. Академия бастығының айтуына қарағанда, құрылысқа 10,8 млрд теңге бөлінген. Биыл соның 4,7 млрд теңгесі игеріледі деп жоспарланған. Құрылысты жүргізуші «Ash-stroy» ЖШС екен. Биыл бұл компания барлық кешен жұмысының 60 пайызын аяқтайтын көрінеді.

Петропавлда Тараз қала­сы­ның­­ «Taraz Energy» ЖШС атты құрылыс ком­па­ниясы Уәли­ха­нов көше­сіндегі тұр­­­­­­ғын-үй құры­лыс­тарына инженерлік-ком­му­­ни­­ка­циялық жүйелер мен абат­­­­тан­­ды­ру жұмыстарын жүргізуді тен­­дер­­ден ұтып алған. Бірақ кәсіп­орын алған мін­дет­те­ме­сін орын­дай алмай жүр. Қала әкімі Р.Аңбаев бұл компанияның жұмы­сына өзінің қанағаттанбай жүр­генін айтты. «Біз бұл компа­ния­мен келісімшартты бұзу жөнін­де талап арызымызды сотқа өткі­зіп қойдық. Келісімшарт бұзы­л­ғаннан кейін біз жобаға өзге­ріс­тер енгізіп, жаңа мердігер табу үшін конкурс жариялайтын боламыз», деді ол. Облыстың құрылыс, архитектура және қала құрылысы бас­қар­­масының басшысы Қайролла Ғалиев те бұл компанияның жұмысына өзінің қанағаттанбайтындығын айтты. «Біз бірнеше рет компания басшылығымен әңгіме өткіздік, бірақ одан ешқандай нәтиже шығар емес. Осы компания Горький көшесінде салып жатқан тұрғын-үй құрылысын да созыңқырап жіберді. Үйге кірудің уақыты өтіп бара жатқан соң тұрғындар осы тарапта бізге өздерінің наразылықтарын айтуда. Сондықтан алдағы уақытта біз де осындай шараларға баруға мәжбүр болармыз», деді Қ.Ғалиев.

Құрылысты қолға алған соң күндіз-түні оның жұмысын тия­­нақты жүргізе алмай, тек бөлі­не­тін ақшаға қызығып кірісіп ке­те­тін­ құрылыс компаниялары осылай, тұрғындарды да, басшыларды да әуре-сарсаңға салып қояды.

 

ПЕТРОПАВЛ