Министрдің айтуынша, биыл электр станцияларында 10 энергоблокты, 49 қазандықты және 54 турбинаны күрделі жөндеу жоспарланған.
«Қазіргі уақытта 3 энергоблокта, 19 қазандықта және 8 турбинада жұмыстар жүргізіліп жатыр. 3 қазандық пен 8 турбинада жөндеу жұмыстары аяқталды. Жөндеу жұмыстарын жүргізу кезінде алдағы жылыту кезеңінде қауіпті аймаққа енгізілген энергетикалық кәсіпорындарға ерекше назар аударылады», деді министр.
Атап айтқанда, Риддер ЖЭО-ның барлық 6 қазандығын жөндеуді бастау үшін қажетті шаралар қабылданды. Аталған жұмыс Екібастұз, Жезқазған, Кентау және т. б. ЖЭО бойынша жүргізіліп жатыр.
